السلام عليكم ورحمة الله وبركاته
شخباركم إخواني وخواتي
احنا دوم نتناقش فالمواضيع الاجتماعية ودوم اشوف مواضيع متنوعة فالمناقشات الجادة
بس محد تطرق لهالموضوع اللي حبيت اتناقش معاكم فيه
الله يسلمكم كنت قاعدة اليوم ويا أختي الكبيرة وأخوي الصغير
كانت قاعدة تكتب بحث وهالبحث أعتقد اهو مشروع التخرج لأن هالسنة الأخيرة لها وهي تدرس دراسات إسلامية
المهم
قالتلي اشرايج أكتب البحث بإيدي وعقب أكتبه عالكمبيوتر ولا على طول أكتبه عالكمبيوتر ؟؟
وتمينا نتناقش فهالسالفة
عقب قلتلها انزين انتي شوفي شو تبين تكتبين وحددي الفقرات اللي تبين تكتبينها من المراجع اللي عندج
وانا بكتبه لج بالكمبيوتر
يعني اهي بتقرى بداية الفقرة وبتشوف إذا هي تباه ولا لا وأنا اكتبه لها عالكمبيوتر
لان اهي من شهر ربت وحسيت انها تعبانة قلت بساعدها
قالتلي لا بهالطريقة انا ما بكون سويت شي
عالاقل اذا انا كتبته بايدي وعقب عطيتج ياه تكتبينه عالكمبيوتر بكون انا اللي تعبت فكتابة وترتيب المعلومات
وانتي بس كتبتيهم عالكمبيوتر
قالت اذا انتي كتبتي لي البحث عيل انا ما سويت شي والشهادة اللي باخذها بكون ماخذتها بمجهود
غيري مب بمجهودي
اخوي اهنيه تكلم قال عادي .. قال احنا عشان بحوثنا نروح المكتبة ندفع لهم واهم يعطونا البحث جاهز
واحنا نسلمه للاستاذ
قلتله هالشي غلط لانك قاعد تاخذ درجات انت ما تستاهلها
قال لا عادي وعقب تناقشنا وكل واحد تمسك برايه لين النهاية
أنا حبيت أتناقش معاكم هالموضوع .. أنا اختي عجبتني بطريقة تفكيرها
اهي طول حياتها تفكر بهالطريقة .. دوم تبا تاخذ الشي بجهدها ..
دوم اتعلم منها شي يديد ..
انتوا اشرايكم بالموضوع ؟؟
انتوا يوم تسوون البحوث الدراسية تاخذونها جاهزة مجهزة من المكتبات ومن النت
ولا تكتبونها بجهدكم وتتعبون عليها ؟؟
أتمنى انكم تتفاعلون مع الموضوع ..